ჩვენი მომავლის სადარაჯოზე ვრჩებით, საქართველოს ევროპულ გზას აუცილებლად დავიცავთ, - ამის შესახებ ბათუმის უნივერსიტეტთან სტუდენტებმა განაცხადეს, რომლებიც საპროტესტო აქციას მართავენ. მათი თქმით, პროტესტის ნიშნად ბათუმის უნივერსიტეტის შენობაში ღამეს კვლავ გაათენებენ.

„ჩვენი უნივერსიტეტი პარტიულ შტაბად იქცა. რექტორი პარტიულ ღონისძიებებზე დადის, ასევე ადმინისტრაციის სხვა თანამშრომლებიც. ხვალ უფრო მეტნი ვიქნებით, დღესაც ვრჩებით უნივერსიტეტში და ვაგრძელებთ პროტესტს. დავიბრუნებთ ევროპულ მომავალს, დროა ხალხო, ქუჩებში გამოვიდეთ და სოლიდარობა გამოვუცხადოთ ერთმანეთს. ჩვენს გვერდით არიან „ილიაუნის” სტუდენტებიც”,- ამბობენ აქციის მონაწილეები.

საპროტესტო აქციაზე სხვადასხვა პოლიტიკური პარტიების წარმომადგენლებიც იმყოფებიან.