რაც გუშინ, ცესკოს სხდომაზე ვნახეთ, ეს იყო მორიგი იმის მტკიცებულება, რომ გამორიცხულია „ნაცმოძრაობის“, როგორც ამ ბოროტი პოლიტიკური ძალის არსებობა და საქართველოში მშვიდობა და სტაბილურობა,- ასე ეხმაურება „ხალხის ძალის“ დეპუტატი გურამ მაჭარაშვილი იმ ფაქტს, რომ ცესკოში „ერთიანობა - ნაციონალური მოძრაობის” წარმომადგენელმა დავით კირთაძემ ცესკო-ს თავმჯდომარეს, გიორგი კალანდარიშვილს შავი საღებავი შეასხა.

როგორც მაჭარაშვილმა აღნიშნა, საქართველოს საზოგადოება იღებს ერთ გადაწყვეტილებას, რადიკალურ ოპოზიციას უნდა სხვა გადაწყვეტილება.

„რაც გუშინ, ცესკოს სხდომაზე ვნახეთ, ეს იყო მორიგი იმის მტკიცებულება, რომ გამორიცხულია "ნაცმოძრაობის", როგორც ამ ბოროტი პოლიტიკური ძალის არსებობა და საქართველოში მშვიდობა და სტაბილურობა.

ეს კიდევ ერთი მტკიცებულება იყო, რომ საქართველოს საზოგადოება იღებს ერთ გადაწყვეტილებას, რადიკალურ ოპოზიციას უნდა სხვა გადაწყვეტილება.

ჩვენ ვნახეთ, რომ ისინი არ ერიდებიან არაფერს, მათ შორის, სავარაუდო დანაშაულის ჩადენასაც კი. ეს ყველამ საჯაროდ ნახა, ასე თავხედურად, პირდაპირ, სისხლისსამართლებრივი სავარაუდო დანაშაულის ჩადენა, იმას ნიშნავს, რომ ეს ძალა არ არის ქართული ძალა, ის ემსახურება უცხოურ აგენტურას", - განაცხადა გურამ მაჭარაშვილმა.