ელენე ხოშტარია - სამართალდამცავები აგრესიულად არიან, ხალხს უპირისპირდებიან, მაგრამ ჩვენ არ გავჩერდებით - რატომ უნდა გავათავისუფლო მელიქიშვილის გამზირი? ჩემი უფლება რატომ არ უნდა დავიცვა?
რატომ უნდა გავათავისუფლო [მელიქიშვილის გამზირი]? ჩემი უფლება რატომ არ უნდა დავიცვა, მითხარით? - ვინც არ უნდა დაიჭირონ, რა საშუალებებიც არ უნდა გაუშვან, ჩვენ ვაგრძელებთ ბრძოლას,- ამის შესახებ "კოალიცია ცვლილებისთვის" ერთ-ერთმა ლიდერმა, ელენე ხოშტარიამ ჟურნალისტებს განუცხადა.
მისივე თქმით, აქციის მონაწილეები „მშვიდად და წყნარად დაიცავენ მათ უფლებებს“.
„[სამართალდამცავები] აგრესიულად არიან. ხალხს უპირისპირდებიან, ჩვენ არ გავჩერდებით. მშვიდად, წყნარად დავიცავთ ჩვენს უფლებებს და ვიბრძოლებთ. ვინც არ უნდა დაიჭირონ, რა საშუალებებიც არ უნდა გაუშვან, ჩვენ ვაგრძელებთ ბრძოლას. არაფერი საჭიროება არ იყო [ე.წ. წიწაკის სპრეის გაშვების]. რატომ უნდა გავათავისუფლო [მელიქიშვილის გამზირი]? ჩემი უფლება რატომ არ უნდა დავიცვა, მითხარით?",- აღნიშნავს ხოშტარია.
შეგახსენებთ, რომ მელიქიშვილის გამზირზე, სავარაუდოდ, ე.წ. წიწაკის სპრეი გამოიყენეს. გამზირზე პოლიციასა და აქციის მონაწილეებს შორის დაპირისპირება ამ დრომდე გრძელდება.
დაპირისპირება მას შემდეგ დაიწყო, რაც პოლიციამ მომიტინგეებს გამზირის დატოვებისკენ მოუწოდა.
დაკავებულია რამდენიმე პირი. დაკავებულების გარდა, დაშავდა ერთი ადამიანი, რომელიც სასწრაფო დახმარების ბრიგადით ტერიტორიიდან გაიყვანეს.
