რუსეთიდან უპასუხისმგებლო ბირთვული რიტორიკა ისმის, - ასე გამოეხმაურა დიდი ბრიტანეთის პრემიერ-მინისტრი, კირ სტარმერი რუსეთის პრეზიდენტის ვლადიმერ პუტინის მიერ ბირთვული შეკავების სფეროში რუსეთის სახელმწიფო პოლიტიკის საფუძვლების დამტკიცებას.

„რუსეთიდან უპასუხისმგებლო რიტორიკა ისმის და ეს ჩვენ უკრაინის მხარდაჭერაში ხელს ვერ შეგვიშლის“, - განაცხადა კირ სტარმერმა.

ვლადიმერ პუტინის მიერ დამტკიცებული ახალი ბირთვული დოქტრინის თანახმად, აგრესია რუსეთის ან მისი მოკავშირეების წინააღმდეგ არაბირთვული სახელმწიფოს მიერ, ბირთვული სახელმწიფოს მხარდაჭერით, ერთობლივ თავდასხმად განიხილება.

„(პუტინს) კიდევ ერთხელ ვეტყვი: დაასრულე ომი, გადი უკრაინიდან“, - აღნიშნა დიდი ბრიტანეთის პრემიერ-მინისტრმა.