სასტუმრო „პარაგრაფი თბილისი“ - IBTM-ის წლევანდელი გამოფენა საკმაოდ პროდუქტიული აღმოჩნდა, საქართველოს მიმართ ინტერესი ძალიან დიდია
ტურიზმის ეროვნული ადმინისტრაციის საკონვენციო და საგამოფენო ბიურო ბარსელონას საერთაშორისო ტურისტულ გამოფენაში მონაწილეობს.
ტურიზმის ეროვნული ადმინისტრაციის ინფორმაციით, IBTM World 2024-ზე საკონვენციო და საგამოფენო ბიუროს წევრი 7 კომპანია, ასევე აჭარის ტურიზმისა და კურორტების დეპარტამენტია წარმოდგენილი.
IBTM-ზე საქართველოს მონაწილეობის მნიშვნელობაზე ისაუბრა სასტუმრო „პარაგრაფი თბილისის“ გაყიდვების დირექტორმა თამუნა ჩხეიძემ, რომელიც აღნიშნავს, რომ IBTM-ის წლევანდელი გამოფენა საკმაოდ პროდუქტიული აღმოჩნდა, შარშანდელთან შედარებით საქართველოს მიმართ ინტერესი ძალიან დიდია.
„ძველ ბაზრებთან ერთად გამოიკვეთა ინტერესი ახალი ბაზრებიდანაც, დღეში დაახლოებით 8-10 შეხვედრა გავმართეთ, ეს ნიშნავს რომ საქართველოსადმი ინტერესი იზრდება სულ უფრო და უფრო. განსაკუთრებული ინტერესია კორპორაციული შეხვედრების, დიდი ჯგუფების თავისი ღონისძიებებით, რაც არამარტო ქვეყნისთვის, არამედ სასტუმროსთვისაც ძალიან შემოსავლიანი იქნება, რადგან გლობალურად დიდი ღონისძიებების ჩატარებას გეგმავენ“, - განაცხადა თამუნა ჩხეიძემ.
ტურიზმის ეროვნული ადმინისტრაციის ცნობით, IBTM World 2024-ზე მსოფლიოს 150-ზე მეტი ქვეყნიდან 2400-ზე მეტი კომპანია და ორგანიზაციაა წარმოდგენილი.
v-if="article.gallery" v-html="article.gallery"
