პაკისტანში, შეიარაღებულმა პირებმა სამგზავრო ავტომობილებს ცეცხლი გაუხსნეს, დაიღუპა 38 ადამიანი

ჩრდილოეთ პაკისტანში, შეიარაღებულმა პირებმა სამგზავრო ავტომობილებს ცეცხლი გაუხსნეს, რის შედეგადაც, სულ მცირე, 38 ადამიანი დაიღუპა, - ამის შესახებ ინფორმაციას სააგენტო Reuters-ი ხაიბერ-პახტუნხვას პროვინციის მთავარ მდივანზე, ნადიმ ასლამ ჩოდრიზე დაყრდნობით ავრცელებს.

„ეს დიდი ტრაგედიაა და დაღუპულთა რიცხვი სავარაუდოდ გაიზრდება“, - განაცხადა ნადიმ ასლამ ჩოდრიმ.

პროვინციის მდივანმა აღნიშნა, რომ შემთხვევა, რის შედეგადაც, 29 ადამიანი დაშავდა, ტომებით დასახლებულ კურამის რაიონში მოხდა.

მომხდარზე პასუხისმგებლობა ჯერჯერობით არცერთ დაჯგუფებას არ აუღია.