რუსეთის პრეზიდენტი, ვლადიმერ პუტინი თურქ კოლეგას, რეჯეფ თაიფ ერდოღანს ტელეფონით ესაუბრა და მასთან ორმხრივი დღის წესრიგის საკითხები განიხილა, - ინფორმაციას რუსული მედია კრემლის პრესსამსახურზე დაყრდნობით ავრცელებს.
„არსებითად განიხილეს ორმხრივი დღის წესრიგის აქტუალური საკითხები სავაჭრო-ეკონომიკური თანამშრომლობის ეფექტურობის გაზრდის კუთხით“, - ნათქვამია კრემლის განცხადებაში.
მათივე ინფორმაციით, მხარეებს შორის განხილული საკითხების გათვალისწინებით, შესაბამის უწყებებს შორის კონტაქტები განხორციელდება.
გარდა ამისა, კრემლის ცნობით, რუსეთისა და თურქეთის ლიდერები რამდენიმე საერთაშორისო თემასაც შეეხნენ.
