რესპუბლიკის მოედანზე საპროტესტო აქციის მონაწილეები იკრიბებიან, რომლებიც მსვლელობით პარლამენტის შენობასთან გადაინაცვლებენ
რესპუბლიკის მოედანზე საპროტესტო აქციის მონაწილეები შეიკრიბნენ.
ისინი 26 ოქტომბრის არჩევნების შედეგებს აპროტესტებენ და მიიჩნევენ, რომ ხელისუფლებამ მათი ხმები გააყალბა. აქციაზე იმყოფებიან ოპოზიციონერი პოლიტიკოსები. აქციის მონაწილეები ხელახალი არჩევნების დანიშვნას მოითხოვენ.
აქციას მსვლელობით შეუერთდნენ სტუდენტები, პროფესორ-მასწავლებლები და კულტურის სფეროს წარმომადგენლები. მათ ბანერი აქვთ გაშლილი წარწერით "ქართული განათლება საფრთხეშია".
აქციის ორგანიზატორების განცხადებით, პარალელურად, რეგიონებიდან თბილისის მიმართულებით დაგეგმილია ავტომობილებით მსვლელობები, გვიან ღამით კი ისინი თბილისის მასშტაბით მსვლელობას მოაწყობენ.
რესპუბლიკის მოედნიდან აქციის მონაწილეები გეგმავენ, მსვლელობით გაემართონ საქართველოს პარლამენტისკენ, სადაც აპირებენ, რომ ღამე გაათენონ და 25 ნოემბრის დილამდე დარჩნენ.
ადგილზე მობილიზებული არიან სამართალდამცველები.
v-if="article.gallery" v-html="article.gallery"
