ლიეტუვამ უკრაინას გასულ კვირაში სამხედრო დახმარების კიდევ ერთი პაკეტი გადასცა, - ინფორმაციას ლიეტუვის თავდაცვის სამინისტრო სოციალურ პლატფორმა X-ზე ავრცელებს.

უწყების ცნობით, უკრაინას გადასცეს გენერატორები, M113 ჯავშანტექნიკის სათადარიგო ნაწილები, იარაღი და საბრძოლო მასალა.

„ლიეტუვა აგრძელებს უკრაინის ურყევ მხარდაჭერას. ამ კვირაში გენერატორები, M113-ის სათადარიგო ნაწილები, იარაღი და საბრძოლო მასალა გადაეცათ“, - აღნიშნულია ლიეტუვის თავდაცვის სამინისტროს განცხადებაში.