მომიტინგეების დაშლა დაიწყო თავისუფლების მოედნიდან პარლამენტისკენ მიმავალმა სპეცრაზმმა - წყლის ჭავლს იყენებენ რუსთაველის გამზირზეც

თავისუფლების მოედნიდან პარლამენტისკენ მიმავალმა სპეცრაზმმა მომიტინგეების დაშლა დაიწყო. სპეცრაზმელებმა წყლის ჭავლი აღნიშნულ ტერიტორიაზეც გამოიყენეს.

საპოლიციო ძალებმა მოქალაქეების წინააღმდეგ წყლის ჭავლი გამოიყენეს ჭიჭინაძის ქუჩის მხრიდანაც.

ამ ყველაფერს წინ უძღოდა სამართალდამცველებსა და მოქალაქეებს შორის არაერთი ფიზიკური დაპირისპირება და პროტესტის მონაწილეების დაკავება. ჯერჯერობით უცნობია, რამდენი პირია ამ დროისთვის საპროტესტო აქციის მიმდინარეობისას დაკავებული.