„სოლიდარობა კოლეგებს, არა ძალადობას“ - ამ მოწოდებით ბათუმში ჟურნალისტებმა საპროტესტო აქცია გამართეს
„სოლიდარობა კოლეგებს, არა ძალადობას“ - ამ მოწოდებით ბათუმში ჟურნალისტებმა საპროტესტო აქცია გამართეს.
მათი თქმით, მედიის წარმომადგენლებს ჟურნალისტურ საქმიანობაში ხელი არ უნდა ეშლებოდეთ.
„არა ძალადობას, სოლიდარობა ჩვენს კოლეგებს, ასეთი სახის ძალადობა არცერთ აქციას არ მახსენდება რუსთაველზე ჟურნალისტების მიმართ. ბევრჯერ გამიშუქებია პირადად პარლამენტის წინ საპროტესტო აქცია, თუმცა ის აგრესია, რაც ბოლო დღეებია მედიის წარმომადგენლების მიმართ ხორციელდება ყველა ზღვარს ცდება და დანაშაულია. მედია ხელშეუხებელი უნდა იყოს, ჩვენი სოლიდარობა და მადლობა ყველა იქ მყოფ კოლეგას”, - აცხადებს „აჭარის ტელევიზიის“ ჟურნალისტი ჯენი კვანტალიანი.
