ბათუმში მოქალაქეები აჭარის ტელევიზიისა და რადიოს შენობასთან, პირდაპირი ეთერის დათმობის მოთხოვნით, აქციას მართავენ

ბათუმში მოქალაქეები საზოგადოებრივი მაუწყებლის აჭარის ტელევიზიისა და რადიოს შენობასთან საპროტესტო აქციას მართავენ.

მათი განცხადებით, მთავარი მოთხოვნაა, რომ საღამოს საპროტესტო აქციის პერიოდში, მაუწყებლის სტუდიაში პირდაპირი ეთერი დაგვითმონ.

„ტელევიზიის თანამშრომლებს ძალიან გთხოვთ, უფლება მოგვეცით, რომ ჩვენი ხმა საზოგადოებას მივაწვდინოთ. დაგვსვით პირდაპირ ეთერში და სიმართლე გვათქმევინეთ. ველოდებით პასუხს”,- აცხადებენ შეკრებილები.

აჭარის ტელევიზიის შენობასთან სამართალდამცავები არიან მობილიზებული, ასევე, ადგილზე იმყოფებიან სხვადასხვა ოპოზიციური პარტიების წარმომადგენლებიც.