რუმინეთი სრულ სოლიდარობას უცხადებს ქართველ ხალხს ღირსებისთვის, თავისუფლებისთვისა და ევროპული მომავლისთვის მათ ბრძოლაში, - ამის შესახებ განცხადებას რუმინეთის საგარეო საქმეთა სამინისტრო X-ის საკუთარ გვერდზე ავრცელებს.

როგორც განცხადებაშია აღნიშნული, სოლიდარობას ასევე უცხადებენ ქართველ დიპლომატებსაც.

„როგორც ევროკავშირის წევრი, რუმინეთი სრულ სოლიდარობას უცხადებს ქართველ ხალხს ღირსებისთვის, თავისუფლებისთვისა და ევროპული მომავლისთვის მათ ბრძოლაში. ჩვენი სოლიდარობა ასევე ეხება ქართველ დიპლომატებს, რომლებიც გაერთიანდნენ საქართველოს ევროპული გზის მხარდაჭერაში“, - ნათქვამია განცხადებაში.