„ძირს რუსული რეჟიმი”, „გამოდით, საქართველოს გვართმევენ” - ამ შეძახილებით ბათუმში საპროტესტო მსვლელობა იმართება

„ძირს რუსული რეჟიმი”, „გამოდით, საქართველოს გვართმევენ” - ამ შეძახილებით ბათუმში საპროტესტო აქციის მონაწილეები ბარათაშვილის ქუჩაზე მსვლელობას მართავენ.

„დროა ბრძოლის, ევროპული მომავლის დასაცავად, ათასობით ბათუმელი ქუჩაშია გამოსული. ხედავთ ყოველ დღე იზრდება მათი რაოდენობა, ანუ პასუხია ის, რომ ქართველების უმრავლესობის არჩევანი ევროპაა და არა რუსეთი”,- აცხადებენ აქციის მონაწილეები.

ცნობისთვის, დედაქალაქის გარდა, საპროტესტო აქციები საქართველოს რამდენიმე ქალაქში, მათ შორის, ბათუმში, ზუგდიდში, ქუთაისსა და თელავში იმართება - დაგეგმილია აქცია ყვარელსა და გურჯაანში.

მოქალაქეები, მთელი ქვეყნის მასშტაბით, „ქართული ოცნების“ მიერ ევროკავშირში გაწევრიანების პროცესის 2028 წლამდე შეჩერებას აპროტესტებენ.