მოსკოვი უარყოფითად არის განწყობილი სუვერენული სახელმწიფოების საქმეებში ჩარევის ნებისმიერი მცდელობის მიმართ, - რუსული მედიის ინფორმაციით, ასე ეხმაურება რუსეთის საგარეო საქმეთა მინისტრის მოადგილე, მიხაილ გალუზინი ბალტიის ქვეყნების გადაწყვეტილებას, საქართველოში მიმდინარე საპროტესტო აქციების ჩახშობაში მონაწილე პირებს სანქციები დაუწესონ.

„რაც ხდება, ფაქტობრივად, საქართველოს შიდა საქმეა, მხოლოდ ამით მინდა შემოვიფარგლო ჩემი კომენტარისას. მოსკოვს ნეგატიური დამოკიდებულება აქვს სუვერენული სახელმწიფოების შიდა საქმეებში ჩარევის ნებისმიერი მცდელობის მიმართ. შესაბამისად, ის ასეთ ჩარევას არ მიმართავს“, - განუცხადა გალუზინმა ჟურნალისტებს.

შეგახსენებთ, ლიეტუვის, ლატვიის და ესტონეთის საგარეო საქმეთა მინისტრებმა, გაბრიელიუს ლანდბერგისმა, ბაიბა ბრაჟემ და მარგუს ცაჰკნამ გუში განაცხადეს, რომ ბალტიის სამი სახელმწიფო, ლიეტუვა, ლატვია და ესტონეთი, ერთობლივად შეთანხმდა ეროვნული სანქციები დაუწესოს მათ, ვინც საქართველოში ლეგიტიმურ საპროტესტო აქციების ჩახშობაში მონაწილეობს.