ქუთაისში, აკაკი წერეთლის სახელობის სახელმწიფო უნივერსიტეტის სტუდენტთა ნაწილი გაიფიცა.

გაფიცულები უნივერსიტეტის ეზოში არიან შეკრებილი საპროტესტო აქციას მართავენ.

მათი თქმით, ქვეყანაში მიმდინარე მოვლენების გამო, უარს ამბობენ სასწავლი პროცესში მონაწილეობაზე და არ აპირებენ აუდიტორიებში დაბრუნებას, ვიდრე მოთხოვნები არ დაკმაყოფილდება.

სტუდენტების განცხადებით, გმობენ ქვეყნის საგარეო კურსის ცვლილებას და საპროტესტო აქციებზე განხორციელებულ მოვლენებს.

სტუდენტები გეგმავენ მსვლელობით მერიასთან გადაინაცვლონ და პროტესტი იქ გააგრძელონ.