ბათუმში, ევროპის მოედანზე საპროტესტო აქცია განახლდა. ახალგაზრდებმა საქართველოს და ევროკავშირის დროშები გაშალეს. როგორც ისინი აცხადებენ, საქართველოს ევროპული მომავლისთვის ბრძოლას აგრძელებენ. აქციის მონაწილეები აჭარის მთავრობის სახლთან მისვლას, ასევე ქალაქის ქუჩებში მსვლელობას გეგმავენ.

„მოქალაქეები ერთიანები არიან და იბრძვიან ევროპული მომავლისთვის. მეხუთე დღე მიმდინარეობს პროტესტი, რომელიც არ დასრულდება”,- აღნიშნეს შეკრებილებმა.