მომიტინგეები ჭავჭავაძის გამზირზე მივიდნენ და გზის სავალი ნაწილი დაიკავეს. აქციის მონაწილეები, რომელთაც მთელი ღამე რუსთაველის გამზირზე გაატარეს, პროტესტს სწორედ თსუ-ს მიმდებარედ გააგრძელებენ.

ამ დროისთვის, რუსთაველის გამზირი უკვე სრულად თავისუფალია.

ტერიტორიიდან გავიდა სპეციალური დანიშნულების რაზმიც და სპეცტექნიკაც. ადგილზე კი “თბვილსერვისის” თანამშრომლები დასუფთავების სამუშაოებს ატარებენ.

მოქალაქეების პროტესტი მოჰყვა საქართველოს მთავრობის გადაწყვეტილებას, 2028 წლის ბოლომდე დღის წესრიგში არ დააყენოს ევროკავშირთან მოლაპარაკების გახსნის საკითხი. გადაწყვეტილების გამოცხადების დღიდან - 28 ნოემბრიდან დედაქალაქში და რეგიონებში საპროტესტო აქციები მიმდინარეობს.