5 დეკემბერს, „ჯორჯიან უოთერ ენდ ფაუერი“ გლდანი-ნაძალადევის რაიონში, აბაის ქუჩა N7-ის მიმდებარედ წყალმომარაგების სტაბილურობისთვის აუცილებელ ტექნიკურ სამუშაოებს ჩაატარებს.

ამის შესახებ ინფორმაციას „ჯორჯიან უოთერ ენდ ფაუერი“ ავრცელებს.

კომპანიის ტექნიკური ჯგუფები სამუშაოებს ხვალ, 5 დეკემბერს დღის 16:00 საათზე დაიწყებენ და მთელი ღამის განმავლობაში ინტენსიურ რეჟიმში შეასრულებენ.

„აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც ხვალ, 5 დეკემბერს, დღის 16:00 საათიდან 6 დეკემბრის დილის 08:00 საათამდე წყალმომარაგება შეეზღუდება:

გლდანი-ნაძალადევის რაიონში - გურამიშვილის გამზირს, ჩარგლის, ჟინვალის, ლომთათიძის, იმერეთის, ცინცაძის, სვანეთის, ნიკო მარის, ჯანელიძის, გომბორის, საჭილაოს, ურიდიას, ცქიტიშვილის, ჩხიკვაძის, ქსნის, ერწოსა და მიმდებარე ქუჩებს; ცოტნე დადიანის მე-2 მიკრორაიონს, დადიანის ქუჩის ნაწილს.

გლდანის „ა“ I, II, III, IV, მიკრორაიონებს, თემქის III მიკრორაიონის I კვარტალის ნაწილს, თემქის მე-11 მიკრო რაიონის 1 კვარტალს, ზღვის უბნის მე-4 მიკრო რაიონს, ზღვის უბნის IV,IX,X,Xა კვარტლებს, შეშელიძის, შატილის, სადმელის, კაკაბაძის, ბარამიძის, სარაჯიშვილის, ზარზმის, ილორის, იპოლიტოვ-ივანოვის, ანდრონიკაშვილის, რიონის, ჭყონდიდელის, შენგელაიასა და მიმდებარე ქუჩებს, ხიზაბავრის 1 ჩიხს და გობრონიძის N9, 11, 13.

„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის.

წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, „ფეისბუქისა“ და ვებგვერდის მეშვეობით http://www.gwp.ge“, - ნათქვამია გავრცელებულ ინფორმაციაში.