რუსეთის ფედერაცია არის და დარჩება ყველაზე დიდ სამხედრო საფრთხედ გერმანიისთვის, - Tagesschau-ის ინფორმაციით, ამის შესახებ გერმანიის თავდაცვის მინისტრმა ბორის პისტორიუსმა ბუნდესტაგში განაცხადა.

მისი თქმით, მოსკოვი მთლიანად ომის ეკონომიკაზე გადავიდა და თავის ჯარს, ყოველწლიურად, 1 000-1 500 ტანკით ამარაგებს.

„რუსეთი მთლიანად გადავიდა ომის ეკონომიკაზე და ჯარს, ყოველწლიურად, 1000- 1500 ტანკს აწვდის. ეს დაახლოებით ორჯერ მეტია, ვიდრე ევროპის ხუთ უდიდეს ქვეყანას ერთად აქვს მარაგში. ჩვენთვის ნათელია: რუსეთი არის უდიდესი საფრთხე ჩვენი უსაფრთხოებისთვის და ასე დარჩება უახლოეს მომავალში“, - აღნიშნა გერმანიის თავდაცვის უწყების ხელმძღვანელმა.