ბათუმის ქუჩებში საპროტესტო მსვლელობა მიმდინარეობს.

აქცია მსვლელობის მონაწილეები ევროპის მოედნიდან ჭავჭავაძის გამზირზე მსვლელობით მივიდნენ.

დემონსტრანტების განცხადებით, ხელისუფლების მიერ ბოლოს დროს ევროკავშირთან დაკავშირებით გაკეთებული განცხადებები მიუღებელია და ევროინტეგრაცია უნდა გაგრძელდეს.

როგორც აქციის მონაწილეები აცხადებენ, ჭავჭავაძის გამზირიდან მოგვიანებით მთავრობის სახლთან გადაინაცვლებენ, სადაც უკვე მობილიზებული არიან სამართალდამცავები.

ბათუმში აქციები დღეს მთელი დღეა მიმდინარეობს, მოქალაქეები დილიდან განათლების სამინისტროსთან მივიდნენ, შემდეგ კი საქალაქო სასამართლოსთან გადაინაცვლეს.