ეუთო-ს გენერალური მდივანი თურქი დიპლომატი, ფერიდუნ სინირლიოღლუ გახდა. ამის შესახებ ინფორმაციას ეუთო-ს მოქმედი თავმჯდომარე, მალტის საგარეო, ვაჭრობისა და ევროპულ საქმეთა მინისტრი, იან ბორჯი სოციალურ ქსელში ავრცელებს.

ასევე, იან ბორჯის ცნობით, წევრმა სახელმწიფოებმა ეუთო-ს დემოკრატიული ინსტიტუტებისა და ადამიანის უფლებების ოფისის (ოდირი) დირექტორის თანამდებობაზე მარია ტელალიანი (საბერძნეთი) აირჩიეს.

სააგენტო Reuters-ის ცნობით, ეუთო-ს გენერალური მდივნის თანამდებობაზე სინირლიოღლუს დანიშვნას ეუთო-ს ყველა წევრმა მხარი დაუჭირა.