აქციის მონაწილეების მსვლელობა დასრულდა
აქციის მონაწილეებმა საპროტესტო მსვლელობა თამარაშვილის გამზირზე დაასრულეს.
მომიტინგეებმა დღეისთვის პროტესტის დასრულების გადაწყვეტილება ხმათა უმრავლესობის მიხედვით მიიღეს.
დემონსტრანტებმა საპროტესტო მსვლელობის გადაწყვეტილება მას შემდეგ მიიღეს, რაც რუსთაველის გამზირზე სპეცრაზმმა აქცია წყლის ჭავლით და სხვა სპეციალური საშუალებებით დაშალა.
ინფორმაციისთვის, სპეცრაზმმა რუსთაველის გამზირზე აქციის დაშლა დაახლოებით 00:35 საათზე დაიწყო. აქციის მონაწილეების წინააღმდეგ გამოიყენეს წყლის ჭავლი და სხვა სპეციალური საშუალებები. სამართალდამცველებმა რამდენიმე პირი დააკავეს, მათ შორის ცოტნე კობერიძე, რომელიც მოგვიანებით გაათავისუფლეს. ასევე, ვრცელდება ინფორმაცია, რომ დაკავებულია „მთავარი არხის“ ჟურნალისტი, ბექა ყორშია.
უკვე მეცხრე დღეა, რაც თბილისში და ქვეყნის რამდენიმე ქალაქში საპროტესტო გამოსვლები მიმდინარეობს. მოქალაქეები აპროტესტებენ „ქართული ოცნების“ 28 ნოემბრის გადაწყვეტილებას, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს.
v-if="article.gallery" v-html="article.gallery"
