საფრანგეთის ქალაქ ლილში მცხოვრებმა საქართველოს მოქალაქეებმა საპროტესტო აქცია გამართეს.
ემიგრაციაში მყოფმა ქართველებმა ევროკავშირთან მოლაპარაკებების 2028 წლის ბოლომდე გადადების თაობაზე საქართველოს მთავრობის გადაწყვეტილება გააპროტესტეს და ხელისუფლებას ქვეყნის ევროინტეგრაციის გზაზე დაბრუნებისკენ მოუწოდეს.
აქციის მონაწილეებმა სოლიდარობა გამოუცხადეს საქართველოში მიმდინარე აქციებსაც, დაგმეს მომიტინგეების მიმართ ძალადობა და დაკავებული პირების გათავისუფლება მოითხოვეს.
ქართველები ლილის ცენტრში საქართველოს დროშებითა და პლაკატებით შეიკრიბნენ. “საქართველო ევროპაა“ - სკანდირებდნენ აქციის მონაწილეები.
