სირიელი მეამბოხეების ლიდერი ქვეყნის ყოფილ პრემიერ-მინისტრს შეხვდა , - ამის შესახებ ინფორმაციას სააგენტო „ფრანს-პრესი“ სირიელ მეამბოხეებზე დაყრდნობით ავრცელებს.

სირიელი მეამბოხეების ცნობით, მათი ლიდერი აჰმედ ალ-შარაა, აქამდე ცნობილი, როგორც აბუ მოჰამედ ალ-ჯულანი, სირიის ყოფილ პრემიერ-მინისტრს მოჰამედ ღაზი ალ-ჯალალის „ძალაუფლების გადაცემის შესახებ შეთანხმებისთვის შეხვდა“.

შეხვედრას „სირიის ხსნის მთავრობის“ ლიდერი, მოჰამედ ალ-ბაშირიც ესწრებოდა, რომელიც, როგორც არაბული მედია წერს, სირიის დროებით მთავრობაში პრემიერ-მინისტრის თანამდებობას დაიკავებს.