პენტაგონი - ჩრდილოეთ კორეელი სამხედროები კურსკში საბრძოლო მზადყოფნაში რჩებიან
ჩრდილოეთ კორეის ჯარები რუსეთის კურსკის რეგიონში რჩებიან და მზად არიან საბრძოლო მოქმედებებში ჩასართავად, - უკრაინული მედიის ცნობით, ამის შესახებ პენტაგონის პრესსპიკერის მოადგილემ, საბრინა სინგმა განაცხადა.
„კორეის დემოკრატიული სახალხო რესპუბლიკის ჯარები ჯერ კიდევ კურსკის ოლქში იმყოფებიან“, - განაცხადა სინგმა.
მისი თქმით, ჯერჯერობით ამერიკულ მხარეს არ უნახავს ჩრდილოეთ კორეელი ჯარისკაცები უშუალოდ საომარ მოქმედებებში ჩართულობა.
„ვიცით, რომ ისინი მზად არიან საბრძოლო მოქმედებებში ჩასართავად და ვაგრძელებთ სიტუაციის მონიტორინგს“, - აღნიშნა პენტაგონის პრესსპიკერის მოადგილემ.
შეგახსენებთ, უკრაინის პრეზიდენტმა ვოლოდიმირ ზელენსკიმ 7 ნოემბერს განაცხადა, რომ ჩრდილოეთ კორეულმა ჯარებმა, რომლებიც კურსკის ოლქში რუსეთის მხარეს იბრძვიან, უკვე დანაკარგები განიცადეს.
v-if="article.gallery" v-html="article.gallery"
