ამერიკული სადაზღვევო კომპანიის UnitedHealthcare-ის აღმასრულებელი დირექტორის მკვლელობაში ეჭვმიტანილ პირს ბრალი წაუყენეს, - ამის შესახებ ინფორმაციას CNN-ი ავრცელებს.
პოლიციის ცნობით, ბრალდებული 26 წლის ლუიჯი მანიონეა, რომელიც გუშინ საღამოს პენსილვანიის შტატში მდებარე „მაკდონალდსში“ დააკავეს, მას შემდეგ, რაც იგი ერთ-ერთმა თანამშრომელმა ამოიცნო.
პოლიციის განცხადებით, ეჭვმიტანილს ზურგჩანთაში 3D პრინტერით დამზადებული პისტოლეტი და ყალბი პირადობის მოწმობები ჰქონდა.
შეგახსენებთ, UnitedHealthcare-ის აღმასრულებელ დირექტორს, ბრაიან ტომპსონს 4 დეკემბერს მანჰეტენზე ცეცხლსასროლი იარაღიდან ესროლეს. პოლიცია დამნაშავეს ამ დრომდე ეძებდა.
