ლევან სამუშია - ე.წ. ხელისუფლების წარმომადგენლებმა გადაწყვიტეს, ყოველგვარი კრიტერიუმების, წესისა და კანონის გარეშე, ე.წ. შს მინისტრს მისცენ უფლება, პოლიციელის მუნდირი რეციდივისტებს ჩააცვას
ბუნებრივია, პოლიციაში ძალიან ბევრი ადამიანია, რომლებიც ამას უყურებენ და ამის მიმართ პროტესტი გააჩნიათ. ე.წ. ხელისუფლების წარმომადგენლებმა გადაწყვიტეს, ყოველგვარი კრიტერიუმების, წესისა და კანონის გარეშე, ე.წ. შს მინისტრს მისცენ უფლება, რომ პოლიციელის მუნდირი რეციდივისტებს ჩააცვას, ასევე შესაძლოა, ნებისმიერი ადამიანი გახდეს ძალოვანი სისტემის წევრი, რომელიც სისტემას მოემსახურება და მათ ჯალათობრივ გადაწყვეტილებების აღასრულებს, - ამის შესახებ კოალიცია „ძლიერი საქართველოს“ წევრმა ლევან სამუშიამ ბრიფინგზე განაცხადა.
მისი თქმით, ხელისუფლება ყველაფერზე მიდის, რადგან ძალოვანი სისტემა ეშლება.
„თქვენ იცით, რომ ხელისუფლების მიმთვისებლებს ჩამოყალიბებული აქვთ ორგანიზებული დანაშაულებრივი ჯგუფი, რომელიც საკუთარი მოქალაქეების ტანჯვა-წამებასა და ძვლების დამტვრევას ახორციელებს.
ბუნებრივია, პოლიციაში ძალიან ბევრი ადამიანია, რომლებიც ამას უყურებენ და ამის მიმართ პროტესტი გააჩნიათ. ე.წ. ხელისუფლების წარმომადგენლებმა გადაწყვიტეს, ყოველგვარი კრიტერიუმების, წესისა და კანონის გარეშე, ე.წ. შს მინისტრს მისცენ უფლება, რომ პოლიციელის მუნდირი რეციდივისტებს ჩააცვას, ასევე შესაძლოა ნებისმიერი ადამიანი გახდეს ძალოვანი სისტემის წევრი, რომელიც სისტემას მოემსახურება და მათ ჯალათობრივ გადაწყვეტილებების აღასრულებს.
ეს პირდაპირ მიუთითებს, რომ პოლიციელთა უმეტესობა, რომლებიც კეთილსინდისიერი ადამიანები არიან და მუნდირს ღირსეულად ატარებენ, არ არიან წამსვლელებო ამ უკანონო ბრძანებებზე და ახლა ძალადობრივი დანაშაულებრივი, თვითმარქვია რეჟიმი ეძებს ადამიანებს.
ე.წ. შს მინისტრის გადაწვეულებით, ნებისმიერ ადამიანს შესაძლებლობა ექნება პოლიციელი გახდეს, იქნება ეს 4-ჯერ თუ 5-ჯერ ნასამართლევი, ამას უკვე თავად ე.წ. მინისტრი გადაწყვეტს და არა კანონი და კანონმდებარე აქტები.
მინდა გითხრათ, რომ ყოველდღიურად ჩვენს მოქალაქეებს სახლში უვარდებიან და მოწმის სახით გაყოლას სთხოვენ. ჩემო მეგობრებო და მოქალაქეებო, ეს ყოვლად უკანონო ქმედებაა, არავითარ შემთხვევაში არ გაჰყვეთ, მოწმეს უფლება აქვს გონივრულ ვადებში გამოცხადდეს დასაკითხად. ასევე მოგიწოდებთ, არ გამოცხადდეთ საგამოძიებო უწყებაში, არამედ გამოცხადდით სასამართლოში და მაგისტრატ მოსამართლესთან მიეცით ჩვენება.
სისტემა იშლება და ინგრევა, ამიტომ ყველაფერზე მიდის ეს ხელისუფლება“,- განაცხადა ლევან სამუშიამ.
v-if="article.gallery" v-html="article.gallery"
