რუსეთის ქალაქ ტაგანროგზე ღამით სარაკეტო თავდასხმა განხორციელდა, დაზიანდა სამრეწველო საწარმო, დაიწვა 14 მანქანა ადგილზე, - ინფორმაციას რუსული მედია როსტოვის ოლქის გუბერნატორის მოვალეობის შემსრულებელზე, იური სლიუსარზე დაყრდნობით ავრცელებს.

„წუხელ ტაგანროგზე სარაკეტო თავდასხმა განხორციელდა. დაზიანდა სამრეწველო საწარმო, დაიწვა 14 მანქანა, წინასწარი მონაცემებით, არავინ დაშავებულა“, - აღნიშნა გუბერნატორმა.

მისი ინფორმაციით, თავდასხმისგან გამოწვეული ზარალის ოდენობა ზუსტდება.