ბათუმის საქალაქო სასამართლოსთან, ხელოვნების უნივერსიტეტის დეკანისა და ოთხი სტუდენტის მხარდამჭერი აქციის მონაწილეები იკრიბებიან
ბათუმის საქალაქო სასამართლოსთან, ხელოვნების უნივერსიტეტის დეკანისა და ოთხი სტუდენტის მხარდამჭერი აქციის მონაწილეები იკრიბებიან.
ხელოვნების უნივერსიტეტის სტუდენტები სასამართლოს მიმართავენ, რათა ობიექტური გადაწყვეტილება მიიღოს. მათი თქმით, მამუკა ჯორბენაძე და ოთხი სტუდენტი უკანონოდ არიან დაკავებულები.
სასამართლოსთან მყოფი სტუდენტები და დაკავებულების ახლობლები პროცესზე დასწრებას გეგმავენ.
ბათუმის ხელოვნების უნივერსიტეტის დეკანის მამუკა ჯორბენაძის და დაკავებული ოთხი სტუდენტის სასამართლო პროცესი, დღეს ბათუმის საქალაქო სასამართლოში 13:30 საათზე გაიმართება.
