“ქართული ოცნების“ დეპუტატი გიორგი კახიანი, რომელიც XI მოწვევის პარლამენტში იურიდიულ საკითხთა კომიტეტის თავმჯდომარედ აირჩიეს, პარლამენტის ვიცე-სპიკერის პოსტზე დაბრუნდა. აღნიშნულ კომიტეტს კი არჩილ გორდულაძე უხელმძღვანელებს.

ორივე საკადრო გადაწყვეტილება “ქართულმა ოცნებამ“ დღევანდელ პლენარულ სხდომაზე მიიღო.

სახელისუფლო პარტიამ XI მოწვევის პარლამენტის შეკრების პირველივე სხდომაზე განაცხადა, რომ კახიანი იურიდიულ საკითხთა კომიტეტის თავმჯდომარის პოსტზე დროებით იყო დამტკიცებული და აღნიშნულ კომიტეტს გორდულაძე ჩაიბარებდა.

გორდულაძეს სადეპუტატო უფლებამოსილება 10 დეკემბერს სცნეს - ის პარლამენტში გამოკლებული წევრის ადგილმონაცვლედ შევიდა.