აიათოლა ალი ხამენეი - ირანი ძლიერია და კიდევ უფრო გაძლიერდება

ირანი ძლიერია და კიდევ უფრო გაძლიერდება, - ამის შესახებ ირანის უზენაესმა ლიდერმა, აიათოლა ალი ხამენეიმ ბაშარ ალ-ასადის რეჟიმის დაცემის შემდეგ პირველი განცხადება გაავრცელა.

„ზოგიერთებს, რომელთაც წინააღმდეგობის მნიშვნელობა არ ესმით, წარმოუდგენიათ, რომ როდესაც წინააღმდეგობა სუსტდება, ირანიც სუსტდება, მაგრამ ირანი ძლიერია და კიდევ უფრო გაძლიერდება“, - განაცხადა აიათოლა ალი ხამენეიმ.

ირანის უზენაესმა ლიდერმა აღნიშნა, რომ სირიის „დამპყრობლებს“ სხვადასხვა მიზნები აქვთ.

„მათი მიზნები განსხვავებულია. ზოგიერთ მათგანს ჩრდილოეთ და სამხრეთ სირიის მიწების ხელში ჩაგდება სურს. ამერიკა რეგიონში თავისი პოზიციების გაძლიერებას ცდილობს“, - აღნიშნა ირანის უზენაესმა ლიდერმა.