სპორტის კომიტეტის სხდომაზე „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილებების შეტანის თაობაზე“ კანონპროექტი მეორე მოსმენით განიხილეს.

საკანონმდებლო ცვლილება, რომელიც მიზნად ისახავს კულტურისა და სპორტის სამინისტროს რეორგანიზაციას და მის ნაცვლად ორი დამოუკიდებელი სახელმწიფო უწყების - კულტურის სამინისტროს და სპორტის სამინისტროს შექმნას, კომიტეტის წევრებს მთავრობის საპარლამენტო მდივანმა ვახტანგ ბაჩიაშვილმა გააცნო.

მომხსენებელმა კანონპროექტი მუხლობრივად წარადგინა და ყურადღება იმ ცვლილებებზე გაამახვილა, რომელიც დოკუმენტში პირველი მოსმენის შემდეგ აისახა. მისი თქმით, წარმოდგენილ რედაქციაში კანონპროექტის პრინციპები უცვლელად დარჩა და ცვლილება მხოლოდ კულტურისა და სპორტის სამინისტროში სათათბირო ორგანოს - კომისიის შექმნის საკითხს შეეხო.

კომიტეტის წევრებმა კანონპროექტს მხარი ერთხმად დაუჭირეს.