უკრაინის პრეზიდენტის ადმინისტრაციის ხელმძღვანელის, ანდრეი ერმაკის განცხადებით, უკრაინა ჯერ არ არის მზად რუსეთთან მოლაპარაკების პროცესისთვის იარაღის დეფიციტის გამო და იმის გამო, რომ ქვეყანა ნატო-ში გასაწევრიანებლად არ მიუწვევიათ და უსაფრთხოების მკაფიო გარანტიები არ არსებობს.

ამის შესახებ ერმაკმა უკრაინულ მედიასთან ინტერვიუში განაცხადა.

კერძოდ, კითხვაზე, არის თუ არა უკრაინა მზად რუსეთთან მოლაპარაკების პროცესისთვის, მან უპასუხა, რომ ჯერ არა.

მისივე თქმით, მოლაპარაკებების დასაწყებად უკრაინა ძლიერი უნდა იყოს და შემდეგ შეძლებს რუსეთის ფედერაციასთან თანაბარ პირობებში საუბარს.

„დღეს ჯერ კიდევ არ ვართ მზად. გვაკლია იარაღი, გვაკლია ის სტატუსი, რაზეც ვსაუბრობთ, საუბარია ნატო-ში მიწვევაზე და მკაფიო გარანტიების გაგებაზე, რაც დაგვარწმუნებს, რომ პუტინი არ დაბრუნდება ორ-სამ წელიწადში“, - აღნიშნა ერმაკმა.