IT, HR, ტრენერებისა და ფინანსური სფეროს წარმომადგენლებმა რუსთაველის გამზირიდან გმირთა მოედანზე გადაინაცვლეს
IT, HR, ტრენერებისა და ფინანსური სფეროს წარმომადგენლებმა რუსთაველის გამზირიდან გმირთა მოედანზე გადაინაცვლეს.
აქციის მონაწილეებმა გმირთა მოედანზე საავტომობილო გზის ნახევარი გადაკეტეს.
აქციის მონაწილეები მსვლელობით შემდეგ ჭავჭავაძის გამზირზე, ვაკის პარკის მიმართულებით გადაინაცვლებენ, სადაც, სავარაუდოდ მარკეტერების, PR-სა და შემოქმედებითი ინდუსტრიის წარმომადგენლების მსვლელობას შეუერთდებიან.
პროტესტის მონაწილეები სკანდირებენ- „საქართველო“, „გაიფიცე“.
ასევე მათ ადგილზე საქართველოსა და ევროკავშირის დროშები აქვთ მოტანილი.
აქციის მონაწილეები მიმდინარე აქციების დროს დაკავებული მოქალაქეების გათავისუფლებასა და ხელახალი არჩევნების ჩატარებას ითხოვენ.
მსვლელობის პარალელურად, აქციის მონაწილეებს შსს-ს რამდენიმე ეკიპაჟიც მიჰყვება.
ასევე, დედაქალაქის მასშტაბით დღის განმავლობაში სხვადასხვა ლოკაციაზე, სხვადასხვა სფეროს წარმომადგენლების რამდენიმე მსვლელობაა დაანონსებული.
ცნობისთვის, მასშტაბური აქციები „ქართული ოცნების“ 28 ნოემბრის გადაწყვეტილებამ გამოიწვია, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს.
v-if="article.gallery" v-html="article.gallery"
