ისრაელმა იემენში „ჰუსიტების“ ინფრასტრუქტურა დაბომბა, - ამის შესახებ ინფორმაციას ისრაელის თავდაცვის ძალები ავრცელებს.

ისრაელის თავდაცვის ძალების განცხადებით, საბრძოლო თვითმფრინავებმა იემენში სამიზნე ობიექტებს დაარტყეს, რომლებიც „ჰუსიტების“ მიერ სამხედრო ოპერაციებისთვის გამოიყენებოდა.

ისრაელის თვითმფრინავებმა იემენში პორტები და ენერგეტიკული ინფრასტრუქტურა დაბომბეს.

„ჰუსიტების“ სატელევიზიო არხის, Al Masirah-ს ინფორმაციით, ისრაელის იერიშებს იემენში 9 ადამიანი ემსხვერპლა.