ოპოზიციის ნაწილი საერთოდ დაემალა ამ შეხვედრას. ვინც ამ შეხვედრაზე მივიდა საკმაოდ სასოწარკვეთილი ჩანს. მათ დაიმსახურეს ორივე მდგომარეობა - რომ იყვნენ სასოწარკვეთილები და დამალულები, - ამის შესახებ საპარლამენტო უმრავლესობის დეპუტატმა, რატი იონათამიშვილმა ოპოზიციის ნაწილის ევროსაბჭოს დელეგაციასთან გამართულ შეხვედრასთან დაკავშირებით განაცხადა.

მისი თქმით, სინამდვილეში ოპოზიციას არც ევროპა აინტერესებს და არც ევროპული ღირებულებები.

„ოპოზიციის ნაწილი საერთოდ დაემალა ამ შეხვედრას. ვინც ამ შეხვედრაზე მივიდა საკმაოდ სასოწარკვეთილი ჩანს. მათ დაიმსახურეს ორივე მდგომარეობა - რომ იყვნენ სასოწარკვეთილები და დამალულები. შეფასებების ნაწილში მათ კიდევ ერთხელ დაგვანახეს, რომ სინამდვილეში ამ ადამიანებს არც ევროპა აინტერესებთ და არც ევროპული ღირებულებები. ყველაფერს საზღვრავენ მხოლოდ იმით, ვის შეუძლია მათ რადიკალურ დღის წესრიგზე გარკვეული გავლენის მოხდენა და ვის არა. მხოლოდ ამის მიხედვით აფასებენ, რაც კიდევ ერთხელ მიგვანიშნებს, რომ ეს არის ადგილობრივი აგენტურა, რომელსაც მხოლოდ და მხოლოდ ჩვენი ქვეყნის დაზიანება გაუხდია მიზნად. საბოლოო ჯამში დღითი დღე მხოლოდ საკუთარ თავებს აზიანებენ“, - აღნიშნა იონათამიშვილმა.