ეს არის, ფაქტობრივად, ჩამოშლილი სისტემის ხელით შეკოწიწების მცდელობა.გომელაურის ვიცე-პრემიერობა არაფერს ნიშნავს, მით უმეტეს არაღიარებული მთავრობის პირობებში, - ამის შესახებ „ერთიანობა ნაციონალური მოძრაობის“ წევრმა „პალიტრანიუსის“ გადაცემა „დღის ნიუსრუმი“ განაცხადა, რითაც გამოეხმაურა შს მინისტრ ვახტაგ გომელაურის ვიცე-პრემიერად დანიშვნას.

მანჯგალაძის თქმით, გომელაური ვიცე-პრემიერად ახლა მიზანმიმართულად დაინიშნა, რადგანაც „სისტემას ბზარები გაუჩნდა“.

„ჩვენ გვაქვს ინფორმაცია, რომ პოლიციაში ძალიან ბევრი პატაკია დაწერილი და ძალიან ბევრ ადამიანს უნდა წამოვიდეს პოლიციის სისტემიდან, უბრალოდ გომელაური არ უწერს ხელს. ახლა იმისთვის, რომ ეს მოძალადე სისტემა არ ჩამოიშალოს, რაღაც „ფოჩიანი კანფეტი“... რად უნდა გომელაურს, რაში სჭირდება ვიცე-პრემიერობა, კობახიძის მოადგილეობა რას მატებს ვინმეს? არაღიარებულ, არალეგიტიმურ მთავრობაში ვიცე-პრემიერობა საერთოდ რას ნიშნავს, ვერ ვხვდები. ეს, რისი ფასია იცით? საკუთარ მოქალაქეებს ძვლები რომ ჩაუმსხვრია, საკუთარ მოქალაქეებს რომ ცხვირი გაუტეხეს, წამლავდნენ ათი დღის მანძილზე, აი, ამის ფასია. ეს არის, ფაქტობრივად, ჩამოშლილი სისტემის ხელით შეკოწიწების მცდელობა. გომელაურის ვიცე-პრემიერობა არაფერს ნიშნავს, მით უმეტეს არაღიარებული მთავრობის პირობებში“, -განაცხადა მანჯგალაძემ.

მან ასევე ისაუბრა ევროსაბჭოს გენერალური მდივნის ალენ ბერსესა და პრემიერ-მინისტრ ირაკლი კობახიძის მეორედ შეხვედრაზე.

მანჯგალაძის შეფასებით, მხოლოდ შემდეგი საკითხების გამო შეიძლება შეხვდნენ ევროპის წარმომადგენლები საქართველოს ხელისუფლებას - პირველი, მოითხოვონ პატიმრების დაუყოვნებლივი გათავისუფლება და მეორე - დათანხმდეს „ქართული ოცნების“ ხელისუფლება, რომ დანიშნოს ხელახალი არჩევნები „იმიტომ, რომ არანაირი აღიარება მათ ევროპიდან არ ექნებათ“.