ეს არის ანტი-ქართული ნაბიჯი, ეს არის ქართულ სახელმწიფოზე თავდასხმა, რაც ძალიან დასანანია, - ამის შესახებ პრემიერ-მინისტრმა, ირაკლი კობახიძემ განაცხადა, რითაც გამოეხმაურა ევროკომისიის გადაწყვეტილებას, რომელიც ევროპულ საბჭოს ქართველი დიპლომატებისა და ოფიციალური პირებისთვის უვიზო მიმოსვლის შეჩერების წინადადებით მიმართავს.

პრემიერის თქმით, ამ ნაბიჯს არანაირი ეფექტი ექნება და იქ იქნება სიმბოლური ნაბიჯი.

„ეს არის ანტი-ქართული ნაბიჯი, ეს არის ქართულ სახელმწიფოზე თავდასხმა, რაც ძალიან დასანანია. მას არანაირი ეფექტი არ ექნება. არის სიმბოლური ნაბიჯი, თუმცა ეს არის ანტი-ქართული და ქართულ სახელმწიფოზე თავდასხმა, რაც უკიდურესად მიუღებელია. როგორც მოგეხსენებათ ეს გადაწყვეტილება ევროპულმა საბჭომ იანვარში უნდა განიხილოს, დაველოდებით საბოლოო გადაწყვეტილებას“,- განაცხადა კობახიძემ.