PACE-ის პრეზიდენტი - ირაკლი კობახიძის პირდაპირი მუქარა სალომე ზურაბიშვილის წინააღმდეგ მიუღებელია - მოვუწოდებ, უკან გაიხმოს განცხადება
პრემიერ-მინისტრ ირაკლი კობახიძის პირდაპირი მუქარა პრეზიდენტ სალომე ზურაბიშვილის წინააღმდეგ მიუღებელია და ეწინააღმდეგება დემოკრატიისა და კანონის უზენაესობის პრინციპებს, - ამის შესახებ ევროპის საბჭოს საპარლამენტო ასამბლეის პრეზიდენტი, თეოდოროს რუსოპულოსი სოციალურ პლატფორმა X-ზე წერს.
„მინდა შევახსენო პრემიერ-მინისტრ ირაკლი კობახიძეს, რომ მისი ქვეყანა არის ევროპის საბჭოს წევრი. პირდაპირი მუქარა, რომელიც მან დღეს პრეზიდენტ სალომე ზურაბიშვილის წინააღმდეგ გააკეთა, რომ დააპატიმრებენ, როდესაც 29 დეკემბერს მისი უფლებამოსილების ვადა ამოიწურება, მიუღებელია, ეწინააღმდეგება დემოკრატიისა და კანონის უზენაესობის პრინციპებს“, - წერს თეოდოროს რუსოპულოსი.
ევროპის საბჭოს საპარლამენტო ასამბლეის პრეზიდენტი ირაკლი კობახიძეს აღნიშნული განცხადების უკან გახმობისკენ მოუწოდებს.
„მოვუწოდებ პრემიერ-მინისტრ ირაკლი კობახიძეს, გაიხმოს ეს განცხადება და შეუერთდეს ევროსაბჭოს პრინციპებს, რომელსაც პატივი უნდა სცეს“, - წერს თეოდოროს რუსოპულოსი.
v-if="article.gallery" v-html="article.gallery"
