­

ძლიერი ნისლის გამო დიდი ბრიტანეთის რამდენიმე აეროპორტში ფრენები გაუქმდა, - ამის შესახებ ინფორმაციას BBC-ი ავრცელებს.

BBC-ის ინფორმაციით, ლონდონის „ჰითროუს“ აეროპორტში 20 რეისი გაუქმდა და 29 გადაიდო, ხოლო „გატვიკის“ აეროპორტში 26 გაუქმდა და ერთი რეისი გადაიდო.

ლონდონის „გატვიკის“ აეროპორტმა შექმნილი უხერხულობისთვის ბოდიში მოიხადა და აღნიშნა, რომ შეფერხებები შესაძლოა, მთელი დღის განმავლობაში გაგრძელდეს.

ნისლის გამო ფრენები მანჩესტერის, გლაზგოსა და კარდიფის აეროპორტებშიც გაუქმდა ან გადაიდო.