ირაკლი კობახიძე - 20 წელიწადზე მეტია ქვეყანას პატრიოტი პრეზიდენტი არ ჰყოლია, მიხეილ ყაველაშვილს ახალი ტრადიციის დამკვიდრება უწევს - ეს დიდი პასუხისმგებლობაა, მაგრამ დარწმუნებული ვარ, თავს საუკეთესოდ გაართმევს
მიხეილ ყაველაშვილი არის ღირსეული, პატრიოტი ადამიანი და დარწმუნებული ვარ, შემდეგი 5 წლის განმავლობაში ძალიან ღირსეულად ემსახურება ამ ძალიან მნიშვნელოვან თანამდებობაზე თავის ქვეყანას, - ამის შესახებ პრემიერ-მინისტრმა, ირაკლი კობახიძემ ჟურნალისტებს განუცხადა.
მან მიხეილ ყაველაშვილს წარმატებები უსურვა.
„მინდა მიხეილ ყაველაშვილს საქართველოს პრეზიდენტის თანამდებობის დაკავება მივულოცო. ის არის ღირსეული, პატრიოტი ადამიანი და დარწმუნებულიო ვარ, შემდეგი 5 წლის განმავლობაში ძალიან ღირსეულად ემსახურება ამ ძალიან მნიშვნელოვან თანამდებობაზე თავის ქვეყანას. მინდა წარმატებები ვუსურვო მას ყველა თვალსაზრისით. კიდევ ერთხელ ვიტყვი, რომ ის იქნება ძალიან ღირსეული პრეზიდენტი.
ასევე, კიდევ ერთხელ მინდა აღვნიშნო, რომ გამოწვევები არის სერიოზული - 20 წელიწადზე მეტია ამ ქვეყანას პატრიოტი პრეზიდენტი არ ჰყოლია. შესაბამისად, მიხეილ ყაველაშვილს ახალი ტრადიციის დამკვიდრება უწევს ამ 20 წლიანი წყვეტის შემდეგ. ეს დიდი პასუხისმგებლობა არის, მაგრამ დარწმუნებული ვარ, მიხეილ ყაველაშვილი ამ პასუხისმგებლობას თავს საუკეთესოდ გაართმევს“, - განაცხადა კობახიძემ.
v-if="article.gallery" v-html="article.gallery"
