BTU-ს სტუდენტები, კურსდამთავრებულები და ლექტორები ვაკის პარკიდან პარლამენტამდე მსვლელობით მივიდნენ
BTU-ს სტუდენტები, კურსდამთავრებულები და ლექტორები ვაკის პარკიდან საქართველოს პარლამენტამდე აქცია-მსვლელობით მივიდნენ.
აქციის მონაწილეებს თან აქვთ საქართველოს და ევროკავშირის დროშები.
როგორც აქციის მონაწილეები აცხადებენ, „ქართული ოცნების“ მიერ 28 ნოემბერს გაკეთებული განცხადება, „აბსოლუტურად ეწინააღმდეგება ქვეყნის და ხალხის მისწრაფებას იყოს დიდი ევროპული ოჯახის წევრი“.
მანიფესტანტების მოთხოვნები უცვლელია. ისინი საქართველოს მთავრობას მოუწოდებენ, რომ „დაინიშნოს ვადამდელი არჩევნები, დაუბრუნდეს ქვეყანა ევროპულ საგარეო კურსს და გათავისუფლდნენ პოლიტიკური პატიმრები”.
ინფორმაციისთვის, მოქალაქეები „ქართული ოცნების“ 28 ნოემბრის გადაწყვეტილებას აპროტესტებენ, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს. მათი მოთხოვნა უცვლელია - დაინიშნოს ხელახალი არჩევნები და გათავისუფლდნენ პროტესტის დროს დაკავებული მოქალაქეები.
v-if="article.gallery" v-html="article.gallery"
