ლიეტუვის მხარდაჭერა საქართველოსადმი და მისი პოლიტიკოსების წინააღმდეგ დაწესებული სანქციები ქვეყნის შიდა პოლიტიკაში ჩარევისთვის არ არის გამიზნული, - მედიის ინფორმაციით, ამის შესახებ ლიეტუვის საგარეო საქმეთა მინისტრმა, კიასტუსის ბუდრისმა ჟურნალისტებს განუცხადა.

„ეს არ ეხება საშინაო პოლიტიკას ან რომელიმე კონკრეტული პოლიტიკური ჯგუფის მხარდაჭერას. საუბარია საქართველოს დაპირებაზე, რომელიც ერთი წლის წინ გასცეს და არ შესრულდა თავისუფალი და სამართლიანი არჩევნების ჩატარებასთან დაკავშირებით, რაც მათთვის ევროკავშირთან ურთიერთობების შემდგომი განვითარების და ქვეყნის ევროკავშირის კანდიდატის სტატუსის განხორციელების პირობაა“, - განუცხადა მინისტრმა ჟურნალისტებს.

კიასტუსის ბუდრისმა უპასუხა შეკითხვას პარტია „ნემუნო აუშრას“ (ნემანის განთიადი) ლიდერის, რემიგიუს ზემაიტაიტის კომენტართან დაკავშირებით, რომლის თქმითაც ლიეტუვა სხვა სახელმწიფოების საშინაო საქმეებში არ უნდა ერეოდეს.

„ეს ეხება მხოლოდ იმას, რომ [საქართველო არღვევს დანაპირებს] და არა იმას, რომ ჩვენ ვცდილობთ შიდა პოლიტიკური პროცესები წავმართოთ“, - განაცხადა ლიეტუვის საგარეო საქმეთა მინისტრმა.