კიევში ჩამოგდებული რუსული დრონის ნამსხვრევებმა ხანძარი გამოიწვია, დაშავდა სამი ადამიანი, - ამის შესახებ ინფორმაციას უკრაინული მედია კიევის მერზე, ვიტალი კლიჩკოზე დაყრდნობით ავრცელებს.

ვიტალი კლიჩკოს ცნობით, პეჩერსკის რაიონში საცხოვრებელი კორპუსის ბოლო სართულები ნაწილობრივ განადგურდა. ექიმებმა დაშავებულთაგან ორი საავადმყოფოში გადაიყვანეს.

ცნობისთვის, რუსული ძალები უკრაინას დრონებით გუშინ საღამოს შემდეგ უტევენ, რის გამოც დედაქალაქსა და ქვეყნის სხვა ოლქებში საჰაერო განგაში გამოცხადდა.