დიქტატურის დამყარების პირობებში, ივანიშვილის ამოცანაა საჯარო სამსახურებიდან კრიტიკულად მოაზროვნე ადამიანების გაწმენდა, - განაცხადა “ერთიანობა - ნაციონალური მოძრაობის” გენერალური მდივნის მოადგილემ, ირაკლი ფავლენიშვილმა.

მისი თქმით, საჯარო მოხელეების ძალიან დიდი ნაწილი წინააღმდეგია ამ ქვეყანაში დიქტატურის დამყარების.

„დიქტატურის დამყარების პირობებში, ივანიშვილის ამოცანაა საჯარო სამსახურებიდან კრიტიკულად მოაზროვნე ადამიანების გაწმენდა. თუმცა ამ წმენდების დროსაც ივანიშვილი და მისი გუნდი მიხვდება, რომ კრიტიკული მასა, რაც არის საჭირო იმისთვის, რომ თუნდაც ავტორიტარულმა რეჟიმმა იფუნქციონიროს, ამ მასასაც ვერ შეაგროვებენ, რადგან საჯარო სამსახურშიც კი ძალიან დიდი ნაწილი საჯარო მოხელეების არის წინააღმდეგი ამ ქვეყანაში დიქტატურის დამყარების და ამ დიქტატურაში უბრალო ჭანჭიკის მორგების”, - განაცხადა ირაკლი ფავლენიშვილმა.