ჰიმალაის მთებში 6.8 მაგნიტუდის სიმძლავრის მიწისძვრას 30-ზე მეტი ადამიანი ემსხვერპლა, დაშავებულია ათობით ადამიანი, - ინფორმაციას გამოცემა „დოიჩე ველე“ ჩინურ მედიაზე დაყრდნობით ავრცელებს.

მათივე ინფორმაციით, მიწისძვრის შედეგად ტიბეტის ქალაქ შიგაცეში და მის გარშემო სულ მცირე 36 ადამიანი დაიღუპა.

მიწისძვრის ბიძგები იგრძნობოდა მეზობელ ნეპალსა და ინდოეთშიც.

აშშ-ის გეოლოგიური სამსახურის ცნობით, მიწისძვრა 7.1 მაგნიტუდის სიმძლავრის იყო.