აჭარის მთავრობის სახლთან მოქალაქეები მდუმარე აქციას მართავენ.

ისინი სოლიდარობას უცხადებენ დროებით ოკუპირებული გალის რაიონის სოფელ საბერიოში ხანძრის შედეგად, ტრაგიკულად დაღუპული ხუთი ბავშვის ოჯახს.

მათი თქმით, დღეს პროევროპულ აქციაზე, პოლიტიკური განცხადებები და აქტივობები არ იქნება.

აქციის მონაწილეებმა, გარდაცვლილთა სულის მოსახსენიებლად სიმბოლურად სანთლები დაანთეს.