აშშ-ის არჩეული პრეზიდენტის, დონალდ ტრამპის განცხადებით, რუსეთის ლიდერმა, ვლადიმერ პუტინმა მასთან შეხვედრის სურვილი გამოთქვა და რომ ამ შეხვედრის მომზადება მიმდინარეობს, - ინფორმაციას Reuters-ი ავრცელებს.

„მას სურს შეხვედრა და ჩვენ ამას ვაწყობთ“, - განაცხადა ტრამპმა ფლორიდაში, მარ-ა-ლაგოში რესპუბლიკელ გუბერნატორებთან შეხვედრის წინ.

მან უკრაინის წინააღმდეგ რუსეთის ომს სისხლიანი არეულობა უწოდა და ხაზი გაუსვა, რომ ეს ომი უნდა დასრულდეს.

"პრეზიდენტ პუტინს სურს შეხვედრა. მან ეს თქვა საჯაროდაც კი და ჩვენ უნდა დავასრულოთ ეს ომი. ეს არის სისხლიანი არეულობა", - განაცხადა ტრამპმა.