პარლამენტის მიმართულებით ფილარმონიიდან „მეგობრების მარში“ იმართება

პარლამენტის მიმართულებით ფილარმონიიდან „მეგობრების მარში“ იმართება.

მსვლელობის მონაწილეებს ხელში უჭირავთ საქართველოს, ევროკავშირის და აშშ-ის დროშები. ასევე, სხვადასხვა შინაარსის ბანერები - „საქართველო იყო, არის და იქნება ევროპა“, „გავიმარჯვებთ სახელოვნად“, „მოვითხოვთ ახალ არჩევნებს“.

ისინი სკანდირებენ: „საქართველო“, „ბრძოლა ბოლომდე“.

მათ გადაკეტილი აქვთ საავტომობილო გზის ერთი ნაწილი.